Тимот на Шек славеше на Ол-старот, Кари прогласен за МВП (ВИДЕО)

Тимот на Шекил О’Нил ја освои титулата на НБА Ол-старот кој оваа година се одржа во Сан Франциско, а се играше во поинаков формат.

Имавме четири тим, две полуфиналиња и финале, односно се играа натпревари во кои победникот беше оној кој прв ќе дојде до 40 поени.

Прво составот кој го бираше Чарлс Баркли беше подобар од оној на Кени Смит со 41:32, потоа во второто полуфинале екипата на Шек ја надигра онаа на Кендис Паркер со 42:25 за да во завршниот дуел тимот на О’Нил го добие „тим Баркли“ со 41:25.

За МВП беше прогласен Стеф Кари за кого ова беше втора ваква награда во кариерата. Во полуфиналето имаше 8 поени, 6 скока, 1 асистенција и 1 украдена топка, додека во мечот за титула реализираше 12 кошеви, 4 скока, 1 асистенција и 2 украдени топки.

Инаку настанот поради повреди го пропуштија Леброн Џејмс и Ентони Едвардс.