Тимот на колото во Премиер лигата во формација 4-3-3

Во англиската Премиер лигата не очекува кратка пауза пред божиќното коло во ова натпреварување закажано за 26 и 27 декември, но пред тие нови возбудувања ја имаме 17. рунда и играчите кои ја одбележаа истата.

Трој Дини како стручен аналитичар за „Би-Би-Си“ ја селектираше најдобрата единаесетка во формација 4-3-3 и во која очекувано доминираат играчите на Ливерпул по блескавото издание во дербито со Тотенхем на кое дадоа шест гола, а лесно можеа уште најмалку 3-4 ако беа за нијанса пофокусиирани во завршницата на акции.

Четири имиња во идеалниот состав се од „црвените“ и тоа Александер Арнолд, Собослаи и напаѓачите Дијаз и Салах.

Кепа е на голот, Тарковски, Хујсен и Аина се во дефанзивата, а останатите позиции се за Парти, Куња и Исак од Њукасл.

Менаџер на рундата е Андони Ираола од Борнмут.