Тим има јасен критериум: Најдобар тенисер на сите времиња…

Доминик Тим пред неколку години беше меѓу најдобрите тенисери на светот, но проблемите со повредите го вратија назад или поточно сега цели да дојде до формата со која освојуваше титули и играше финалиња на грен слем турнирите.

Со оглед на тоа што Новак Ѓоковиќ славеше на Австралија Опен и дојде до 22 пехар со кој се израмни со Рафаел Надал, повторно се актуелизира прашањето, темата за тоа кој е најголем тенисер во историјата.

Има различни ставови, мислења, се ставаат на вага сите достигнувања, но за Австриецот број еден ќе биде оној што ќе освои најмногу пехари на грен слем сцената.

-Според моето мислење, грен слем титулите треба да бидат главниот критериум кога ќе се одлучува кој е најдобар на сите времиња. Ги имате четирите најважни тениски турнири. Сè останато е убаво, ама не е исто. Слемовите се тие што се бројат така да „ГОАТ“ треба да биде оној со најмногу грен слем пехари, -рече Тим кој говореше за финалните средби против Ѓоковиќ и Надал.

-Во финалето на АО во 2020 година го достигнал највисокото ниво, физички и се што се однесува на тенисот. Дури и така загубив од Новак во пет сета. Практично, не можевм да играм подобро, а загубив. Тоа се кажува. Со Рафа во Париз во 2019 година. Јас исто така играв добро, не како во Австралија, но моето ниво беше високо, -заклучи Доминик.