Тиквеш загуби од Партизан на првата контролка во Турција (Видео)

Македонскиот прволигаш Тиквеш имаше почетно водство на пријателскиот дуел со белградски Партизан, но противникот и фаворит на оваа средба со пресврт стигна до победата на првата контролка во Турција.

Дуелот е одигран за време на подготовките на двата тима во Анталија, а Тиквеш повел во 25. минута со гол од пенал на Ивановски.

Партизан израмнил преку Јојиќ три минути подоцна, за пред крајот на полувремето Рикардо да го комплетира пресвртот и да ги постави конечните 2:1 во корист на српскиот тим.

За Тиквеш дуелот го започнале Давков, Каракамишев, Делов, Вареловски, Љамчевски, Темелков, Наумчески, Ивановски, Лазаров, Спахиу и Барга, а во вториот дел шанса добиле и резервистите на тренерот Влатко Костов.

Следниот пријателски натпревар Тиквеш ќе го одигра против узбекистанскиот национален тим на 27. јануари.