ТФТ не успеа да обезбеди победа против Берое

Кошаркарите на ТФТ имаа одличен почеток, но тоа не го искористија за позитивен резултат (83:87) на дуелот со бугарски Берое во рамките на БИБЛ.

Скопскиот тим го доби првиот период со 28:23, но следуваше фуриозен одговор на гостите, кои на полувреме имаа предност 56:43.

ТФТ успеа да се врати по оваа голема негатива, стигна до 58:58 и имаа минимална негатива пред почетокот на последниот период.

Берое сепак успеа да одигра подобро во оваа делница и на крајот да слави со 83:87, нанесувајќи му пораз на македонскиот претставник на стартот на втората фаза во БИБЛ.

Андерсон со 19 и Херис со 18 поени биле најефикасни кај ТФТ, додека најдобар реализатор кај Берое бил Гевин.