ТФТ го победи Пелистер и го промени лидерот на табелата

ТФТ уште еднаш го потврди статусот на најнезгоден противник за претендентите за титулата во македонското кошаркарско првенство и денеска го совлада Пелистер со 89:78.

Скопскиот тим одигра одлично второ полувреме, во кое го надигра противникот и на крајот заслужено запиша победа со која ја прекина негативната серија од два пораза по ред.

Хортон со 25 и Смит со 20 поени биле најефикасни во редовите на победничката екипа, додека кај Пелистер се истакнале Малешевиќ со 29 и Кесар со 22 поени.

По овој пораз, Пелистер има поен помалку од МЗТ Скопје и се наоѓа на второто место на суперлигашката табела.

На вториот натпревар одигран денеска, Гостивар го победи Феникс 2010 како гостин со 60:73, а најефикасен во победничката екипа бил Ефремовски со 15 поени.