ТФТ го издржа притисокот и запиша трета победа во АБА2 лигата

ТФТ Скопје ја запиша третата победа во АБА2 лигата, откако денеска успеа да се справи со Осијек и не дозволи страшен пад како што беше на последниот меч со Широки Бријег.

Македонскиот претставник го диктираше резултатот и темпото на цел меч и поведе со плус 16 пред крајот на последниот период, но во клучната четвртина повторно дојде до „гасење“, кое за среќа не беше скапо платено како пред неколку дена.

Највисоката предност изнесуваше 61:45, но потоа Осијек дојде до само „минус четири“ и се играа тензични завршни минути во кои кошаркарите на ТФТ успеаја да се справат со притисокот.

Кошаркарите се консолидираа и успеаја да стигнат до плус седум, па на крајот ја одбранија позитивата и со резултат 74:70 ја запишаа третата победа во АБА2 лигата.

Трент Буртик постигна 24 поени и беше најдобар во тимот на ТФТ, Андерсон постигна 11, а Николов 10 поени.