Поврзете се со нас

Репрезентација

Тежок пораз за Македонија на дуелот со домаќинот Египет

Објавено

на

blank

Македонската ракометна репрезентација го забележа и вториот пораз на Светското првенство, а денешниот од Египет (38:19) беше и поубедлив од тој на отворањето на мундијалот против Шведска.

Домашната селекција уште од почетокот почна да прави голема разлика, а на 10:3 веќе беше јасно дека тешко може да се подобри впечатокот во однос на деби настапот.

Во меѓувреме директен црвен картон заработи Филип Кузмановски што беше голем хендикеп за нашата репрезентација, а Египет на полувремето стигна до превисока предност 20:6.

Вториот дел донесе и дополнително подмладување на македонскиот состав, Лазаров, Стоилов и Талески останаа на клупата, а Египет без проблеми ја зголемуваше предноста, за на крајот да ни нанесе тежок мундијалски пораз (38:19).

Лазаров, Маркоски и Пешевски со по 3 голови беа најефикасни кај нашата репрезентација, додека во редовите на Египет се издвои Мамдух со 8 погодоци.

Во последното коло, нашата репрезентација ќе биде фаворит во дуелот со Чиле и очекуваме да стигне до првата победа на ова Светско првенство.

Реклама
Реклама
Реклама

Популарни