Тевез откри кој тренер го инспирира, но и која ѕвезда сака да ја види во неговиот тим

Карлос Тевез пред некое време објави дека става крај на својата играчка кариера за да веднаш потоа се впушти во првиот тренерски ангажман и го преземе составот на Росарио Сентрал.

Аргентинецот веќе почна да работи во клубот и времето ќе покаже како ќе се снајде во новата улога. Меѓутоа тој веќе има јасна идеја за тоа како сака да игра неговата екипа со оглед на тоа што негов пример, тренерски идол е Антонио Конте со кого работеше во Јувентус.

-Конте е мојот модел, тој ме научи многу во Јувентус. Ќе се обидам да го натерам мојот тим така да игра, барем половина од она што играат неговите тимови, -рече Тевез кој сака да го види во своите редови Анхел Ди Марија кој вети дека ќе направи кам-бек во својата татковина, поточно сака таму да ја заврши кариерата.

-Не можам да зборувам за ова. Едвај зборувам со сопругата поради обемот на работа што ја имам. Би сакал тој да дојде, кој не би сакал? Кога ќе се смири ситуацијата, ќе му се јавам и ќе го прашам што сака да прави. Знаеме каков е: тоа би било многу позитивно за тимот, за искуството што ќе им го донесе на момците, -заклучи Карлос.