Тешко повредениот Тер Штеген минува низ најтежок период и во приватниот живот (Фото)

Марк Андре Тер Штеген се опоравува од тешката повреда на тетивата на коленото и најверојатно ќе биде во аут до крајот на сезоната, а за време на овој тежок процес на спортски план, Германецот водел навистина тешка битка и во приватниот живот.

Германецот кој обично е недостапен за споделување за било какви лични информации, сега реши самиот да се огласи на социјалните мрежи, а причина за тоа е разводот со неговата сопруга Дани.

Голманот на Барселона самиот ја извести јавноста дека донеле заедничка одлука да се разделат, а во наредниот период бараат приватност од јавноста за да се заштитат себеси, но најмногу своите две деца.

– Здраво на сите….. По внимателно разгледување и размислување, јас и Дани решивме да тргнеме по свој пат. Како што можете да замислите, оваа одлука не беше лесна, но и двајцата веруваме дека тоа е најдобриот чекор за нас. Нашиот заеднички фокус е да го правиме она што е најдобро за нашите деца, обезбедувајќи тие да продолжат да имаат љубов и стабилна средина.

– Остануваме посветени да работиме заедно како родители и да се однесуваме еден кон друг со почит и ценење, како што и секогаш било случај. За време на оваа лична епизода, љубезно ве молиме за разбирање и почитување на нашата приватност, особено на приватноста на нашите деца. Ви благодариме, Дани и Марк, – гласи објавата на голманот.

View this post on Instagram

A post shared by Marc ter Stegen (@mterstegen1)