Англија

Тешка победа и деби од соништата за Зиркзе на „Олд Трафорд“ (Видео)

Објавено

на

16 август, 2024

Од

Тони Андонов

Foto:x.com/ManUtd

Манчестер Јунајтед оствари тешка победа на отворањето на новата сезона во Премиер лигата, натпревар од кој сите ќе ги паметат освоените три бода, а не прикажаната игра.

Иако тимот на Ерик Тен Хаг беше за нијанса подобар од Фулам, мора да се признае дека гостите не реализираа од неколку добри ситуации, па на крајот како херој на мечот се издвои „џокерот“ Џошуа Зиркзе.

Тен Хаг го темпираше својот сонародник и не му даде шанса во текот на подготовките, но сега му овозможи деби на „Олд Трафорд“ кога го внесе во игра во 60-та минута.

Холандскиот напаѓач имаше доволно време за да се адаптира на условите на теренот, а потоа во 87-та минута покажа и класа со завршницата во стил на врвен голгетер.

Руд Ван Нистелрој сигурно ќе биде горд на завршницата на неговиот сонародник, а тоа лесно можеше да се прочита и од неговата реакција по постигнатиот гол за победа на „црвените ѓаволи“.