Терзиќ за последната драма со Халанд: Не можам да ги спречам…

Пред Борусија Дортмунд е тежок меч со Манчестер Сити во Лигата на шампионите, а во пресрет на истиот тренерот на „милионерите“, Един Терзиќ даде свој коментар за последните случувања со Ерлинд Халанд.

Халанд е на мета на најголемите светски клубови, а неговите застапници, најблиски луѓе, татко му Алф-Инге и агентот Мино Раиола веќе се фрлија на работа и беа во Шпанија каде разговараа со Барселона и Реал Мадрид.

Се појавија информации дека истото ќе го направат и со дел од клубовите од ПЛ, па целата ситуација наиде на критики на дел од јавноста, a најдиректен беше поранешниот германски репрезентативец Дитмар Хаман.

Хаман удри по Дортмунд и застапниците на Халанд: Ова е срамно…

Терзиќ не сакаше премногу да зборува, да навлегува затоа што тој смета дека е доволно она што го гледа од Халанд на тренинзите и натпреварите.

-Нема никакви влијание врз мене затоа што јас не можам да ги спречам Раиола и Алфи Халанд да патуваат. Од нив зависи, тие се возрасни и можат да изберат што сакаат да направат. Едноставно, можам да имам влијание врз Ерлинг и среќни сме што го имаме во нашиот тим.

-Тој е со нас од минатиот четврток кога се врати од репрезентацијата на Норвешка. Чувството што го имавме од самиот почеток беше дека тој е многу среќен што нè виде и ние сме многу среќни што го имаме покрај себе.

-Се работи за фино момче, неговите квалитети се добро познати низ целиот свет и ние сме горди и среќни што тој е дел од нашиот тим, -порача стратегот на бундеслигашот.