Терзиќ откри зошто Белингем не одигра ниту една минута во клучниот меч за титулата

Борусија Дортмунд си пукаше во колено во последното коло во Бундеслигата и остана без трофејот кој го планираше цел град, па така Баерн Минхен 11-ти пат по ред стана национален шампион на Германија.

„Милионерите“ влегоа како апсолутни фаворити во дуелот со Мајнц и многумина очекуваа голеада во мрежата на гостите, но на крајот видовме тензичен и возбудлив меч, во кој фаворитот се спасуваше од пораз.

Сепак, ремито од 2:2 беше недоволно за титула поради победата која ја оствари Баерн во Келн, а на клучниот натпревар за титулата, тренерот Един Терзиќ не му даде ниту една минута на најголемата ѕвезда.

Џуд Белингем ги одработи последните два тренинга на Борусија пред натпреварот и се чинеше дека ќе има важна улога за трофејот, но на крајот не беше стартер, а не влезе ниту од клупата.

– Белингем изгледаше многу добро во петокот на тренинг, но ми се приближи мене лично пред натпреварот и ми призна дека не е 100 проценти подготвен да му помогне на тимот. Порача дека најдобро е друг играч да игра на негово место.

– Работеше напорно неколку дена за да биде со нас на теренот, но не се чувствуваше добро и на загревањето пред мечот. Сакав да му дадам барем некоја минута во продолжение, но натпреварот доби вртоглав тек и на крајот ставив само напаѓачи. Затоа Белингем не одигра ниту една минута. За жал, неговите солзи најдобро покажаа што чувствува за ваквиот расплет, – изјави Терзиќ.