Тери се откажа од неговиот сон: Знам дека тоа нема да се случи

Џон Тери имаше одлична играчка кариера во која се прослави како член на премиерлигашот Челси, тим со кој успеа да ги освои сите можни титули.

Откако ги остави копачките тој се реши да остане во овој спорт и тоа како тренер, но засега нема добиено некој посериозен ангажман и има работено како асистент во Астон Вила и Лестер.

Тој во моментов има функцина во академијата на Челси, клуб кој посакува да го води во иднина, меѓутоа во исто време смета дека тоа ќе биде многу тешко.

-Сфатив дека тоа нема да се случи. Мојот сон што го имав кога го напуштив Челси беше дека ќе се вратам како менаџер, но сега знам дека тоа нема да се случи. Тоа боли и постојано ќе ми биде во позадина, -вели искрениот Тери кој откри дека во 2021 година бил опција за тренер на Њукасл.

-Кога ја напуштив Вила, аплицирав за две или три работни места. Бев на интервју за Њукасл, бев и на неколку претходно и не ги добив. Тоа беше навистина добар процес за мене затоа што седите на тие состаноци и одите „Всушност, јас сум далеку од ова, мило ми е што не го добив“, и учите како да презентирате на тие состаноци.

-Првично не отидов во Лига 1 бидејќи не знаев многу за тоа, никогаш не сум играл таму. Затоа завршив во Чемпионшип бидејќи играв една сезона таму, бев тренер неколку години и целосно го разбрав распоредот. Аплицирав за две работни места во Лига 1 и не добив ниту една од нив, -обелодени Џон.