Тери е загрижен: Премногу се фокусираме на Мбапе, Франција има…

Англија ќе се обиде да ја симне Франција од мундијалскиот трон, но тоа нема воопшто да биде лесна задача без разлика на тоа што „триколорите“ на овој турнир настапуваат без неколку важни играчи.

Англичаните и целата јавност на островот постојано го потенцираат Килијан Мбапе како најголема опасност, но според легендарниот Џон Тери тоа може да биде проблем ако фокусот само се стави на ѕвездата на ПСЖ.

-Мбапа може да биде запрен. Ако некој може тоа да го направи-тоа е Кајл Вокер. Тој веќе играше против него на мечот Сити-ПСЖ, добро се познаваат. Кајл Вокер без сомнеж е најбрзиот играч во Премиер лигата. Одбранбено е многу силен. Добро е што го имаме. Мојата грижа е што премногу се фокусираме на дуелот меѓу Вокер и Мбапе, додека има и други противници како Жиру и Гризман кои се закана. Да не размислуваме само за Мбапе.

-Има ривалство меѓу Франција и Англија. Последен пат беше на ЕП 2004 кога Франција заврши на првото место во групата, а ние зад нив. Тоа е посебен натпревар. Тие играат меѓу себе постојано во текот на сезоната во Европа, па дури и во Премиер лигата. Има почит, но ќе биде војна, -порача Тери.

Средбата меѓу европските великани е закажана за утре од 20 часот.