Тер Штеген со капитенски совет за Јамал: Има нешто посебно во него, се надевам…

Ламин Јамал се промовираше на најголемата фудбалска сцена во изминатава година и тоа играјќи важна улога во Барселона и шпанската репрезентација и тоа како стартер иако се уште е само тинејџер.

Тој се уште се одмара по напорната сезона, ама дефинитивно ќе биде интересно да се види како ќе се снајде во втората кампања со оглед на тоа што сега противниците повеќе го познаваат, ќе внимаваат на него, а ќе добиеме и одговор дали и популарноста ќе му удри во глава.

Барса има играчи од кои талентираниот Шпанец може да учи, да побара совет ако е потребно, а еден таков е голманот Марк Андре Тер Штеген кој би требало да биде новиот капитен на тимот по заминувањето на Серхи Роберто.

-Мораме да му оддадеме признание на Чави кој му даде можност. Има нешто посебно во него. Се надевам дека ќе ги држи нозете на земја, дека не ги слуша пофалбите и размислува за моментот, дека ќе продолжи да работи за тимот. Има уште простор за напредок, многу е млад, само што почнува. Порасна и физички. Ламин знае дека може да смета на мене за сè што му треба, -порача Германецот за „ЕСПН“.