Тер Штеген имал успешна операција на коленото, го чека долга пауза од терените

Барселона го победи Вилјареал со 5-1, но триумфот едноставно падна во сенка на тешката повреда која ја заработи првиот голман и воедно капитен на екипата, Марк Андре Тер Штеген.

Германецот настрада во финишот на првиот дел кога незгодно се приземи на теренот и веднаш стана јасно дека се работи за нешто сериозно по неговата првична реакција. Потоа тој беше изнесен на носилки што беше потврда дека го очекува долга пауза од терените.

Настрада неговото десно колено, а денеска успешно беше опериран и сега ќе седи процес на рехабилитација. Иако Барса не информираше, повеќе од јасно е дека оваа кампања е завршена за голманот и останува да се види дали лидерот во Примера ќе ангажира замена, односно Ињаки Пења ќе добие соодветна конкуренција во периодот кој престои, медиумите веќе излегоа со листа на потенцијални кандидати.