Тензијата е очигледна: Лукман и Гасперини избегнаа ракување во Емполи (Видео)

Адемола Лукман одговори со мијатура и два погодоци на „Карло Кастелани“ во Емполи, па доброто издание секако беше инспирирано и од караницата со тренерот Гасперини, кој пред само неколку денови го понижи како никогаш досега.

Тренерот на Аталанта го впери прстот кон својот напаѓач и го означи како најлош пеналџија по елиминацијата од Клуб Бриж, а како што можеше да се очекува, тоа придонесе и до заладување во односите кои беа евиденти и денеска во редовното коло во Серија А.

Лукман му одговори на Гасперини преку социјалните мрежи и призна дека е повреден од односот на својот тренер, со кого денеска избегна да се поздрави кога излегуваше од игра.

Откако постигна два погодоци, Нигериецот го отстсапи своето место на Квадрадо, но во тие моменти, Гасперини се оддалечи од аут-линијата и двајцата избегнаа стандардно ракување.

Оваа ситуација секако им привлече внимание на италијанските медиуми, кои допрва ќе поставуваат прашања за иницираната тензија на релацијата тренер-фудбалер.

🚨 No handshake between Gasperini and Lookman 🚨 pic.twitter.com/4bJeQF2xdC

— Ifesinachi (@JahzeaI) February 23, 2025