Тен Хаг за важна одлука пред градското дерби: Рашфорд е попродуктивен на друга позиција

Манчестер Јунајтед доживеа убедлив пораз од Ливерпул на последниот контролен натпревар на американската турнеја, а менаџерот Ерик тен Хаг веќе мора конкретно да размислува за составот во однос на Супер куп пресметката со Манчестер Сити.

Повредите повторно диктираат многу одлуки на холандскиот стручњак, па веќе е јасно дека тој периодов нема да смета на засилувањето Јоро и напаѓачот Хојлунд, што значи и потреба од импровизација на напаѓачката позиција.

Во отсуство на Бруно и Зиркзе кои допвра ќе влезат во поактивна фаза на подготовки, Тен Хаг планира да го користи Џејдон Санчо како лажна деветка и на дуелот со Сити.

– Ако Санчо не беше опција, немаше ни да се обидуваме такво нешто.

– Рашфорд играл на таа позиција и претходно и секако е опција, но мислам дека е попродуктивен кога игра на левата страна и пробива кон централниот дел на теренот, – изјавил Тен Хаг.

Јунајтед ги одигра планираните три натпревари во САД, па сега ќе се фокусира на „Комјунити Шилд“ дуелот со градскиот ривал, закажан за следната сабота.