Тен Хаг за страшната форма на првиот голгетер: Јас не сум Хари Потер

Маркус Рашфорд постигна десет гола на последните десет меча за Манчестер Јунајтед, со што само потврди дека игра во неверојатна форма по крајот на Светското првенство во Катар.

Напаѓачот на Јунајтед се претвори во клучен играч во системот на Ерик Тен Хаг и почна да прави разлика на секој меч кој го игра првиот тим, па големи заслуги за формата на Маркус добива и одат на адреса на холандскиот стручњак, кој пак сега вели дека пофалбите треба да одат само кон насока на играчот.

– Јас не сум Хари Потер. Се работи само за самодоверба на играчот. Секој играч треба да ја бара својата самодоверба, а Маркус ја пронајде и тоа е многу добро за нас.

– Тој силно се бореше да дојде до тоа. Јасно е дека со мојот стручен штаб нудиме добра структура, се обидуваме да го донесеме во добра позиција за гол, но на крајот, се е заслуга на играчот.

– На крајот, се зависи од него, од самиот играч. Кога играч ја има самодовербата, тогаш и јас верувам во него. Кога игра верува во себе, игра како што игра Рашфорд во последно време, – вели Тен Хаг.