Тен Хаг за кобниот контакт на Зиркзе и поразот на Јунајтед: Ако подобро ја читаше ситуацијата… (Видео)

Манчестер Јунајтед доживеа пораз на гостувањето кај Брајтон и тоа со гол примен во 95. минута на натпреварот, па менаџерот Ерик тен Хаг повторно морал да ги истакнува најважните грешки кои ги направиле неговите фудбалери на ова гостување.

Јунајтед имаше можност и да направи пресврт, но голот на Гарначо не беше признат затоа што топката го закачи несреќниот Зиркзе на самата гол линија и на тој начин Холанѓанецот активираше офсајд и поништување на погодокот.

Тен Хаг е исфрустриран од ситуацијата која ќе го променеше текот на натпреварот, но смета дека неговиот сонародник немал посебен избор.

– Ако подобро ја читаше ситуацијата можеби ќе го избегнеше контактот, но кога правите лизгачки старт нема начин да се избегне тој контакт. Сепак, ние имавме и други шанси да постигнеме втор гол и штета што не успеавме во тоа.

– Примивме два лесни гола и мора да бидеме порешителни и поефикасни во противничкиот шеснаесетник. Жално е што се враќаме без бодови овој натпревар, но мора да се кренеме и да одиме на бодови на следниот голем натпревар (дерби со Ливерпул). Денеска моравме да освоиме барем бод, – рекол Тен Хаг.

Менаџерот на Јунајтед имал препознатлив одговор и за ситуацијата со евентуалните нови трансфери.

– Ако има нешто ново, клубот ќе излезе со официјално соопштение. Мора да ги пронајдеме вистинските опции, а засега јас сум задоволен од екипата со која располагам, – рекол Тен Хаг.