Тен Хаг за играчот кој потфрли со почетните изданија: Знае дека мора да истапи

Ерик Тен Хаг остана без Касемиро за наредните два меча на Манчестер Јунајтед, но денеска соопшти други три добри вести од здравствениот билтен на „црвените ѓаволи“.

Холанѓанецот ќе има поголем избор во одбраната бидејќи во тимот се враќаат Серхио Регилон и Рафаел Варан, а конечно на својата позиција ќе може да игра и Софијан Амрабат кој последно принудно играше како лев бек.

– Варан се врати нанзад и тоа е супер вест за последната линија. Многу сум среќен што ќе сметам на Рафаел Варан и Серхио Регилон. Тоа се доби вести, но не завршуваат тука. Софијан Амрабат исто така е подготвен и достапен за игра, – изјави Тен Хаг пред мечот со Шефилд Јунајтед, натпревар на кој сепак нема да може да смета на Касемиро.

– Касемиро заработи мала повреда, но не се работи за ништо големо. Тој ќе се врати брзо и нема да го чекаме долго, – додаде Тен Хаг, кој на пресот јавно побара и подобри перформанси од Андре Онана.

– Ние знаеме и самиот знае дека мора многу повеќе. Секој играч кој доаѓа во Премиер лигата, потребно е да мине период на адаптација, но тој мора да истапи на наредните неколку натпревари. Големи имиња како Шмајхел и Де Хеа исто така се мачеле на почетокот, но Андре е свесен дека мора да си ја олесни својата иднина со добри перформанси во брзо време, – заклучи менаџерот.