Тен Хаг воодушевен од „седумката“ на Јунајтед: Ова беше перфектна ноќ!

Манчестер Јунајтед го победи Барнсли со убедливи 7:0 во натпревар од англискиот Лига куп, а менаџерот Ерик тен Хаг не го криел задоволството од резултатот, но и начинот на кој премиерлигашот стигнал до триумфот.

Рашфорд, Гарначо и Ерикстен постигнаа по два гола, а Антони го прекина долгиот пост со реализиран пенал, па навивачите на Јунајтед ја видоа највисоката победа на екипата уште од 2021 година.

– За тимот ова беше перфектна ноќ.

– Направивме се што планиравме, победа за пласман во следната рунда, постигнавме убави голови, ги забавувавме фановите и работевме на нашиот стил на играч.

– Не бев депримиран по поразот од Ливерпул, нема да славам по ваква победа. Останува да видиме каде сме стигнале во мај, бидејќи тогаш ќе треба да испорачаме добар фудбал, – рекол Тен Хаг.