Тен Хаг уште на првиот тренинг ги потсетил играчите на едно правило од времето на Фергусон

Манчестер Јунајтед ги стартуваше подготовките за новата сезона порано од другите, бидејќи Ерик Тен Хаг ги повика првите играчи на средба во текот на вчерашниот ден.

Холанѓанецот го одработи првиот тренинг како менаџер на Јунајтед и се запозна со ѕвезди како Де Хеа, Санчо, Марсијал и останатите, додека имаше нова средба со Ван Де Бек кога веќе го тренираше во Ајакс.

Од тоа што го пренесуваат англискките таблоиди кои биле во тренинг базата на Јунајтед, Тен Хаг се покажал во сериозно расположение во текот на првата средба, но ги потсетил играчите и на едно правило од времето на Сер Алекс Фергусон.

Неговите претходници беа попустливи кога е во прашање времето за пристигнување на планираниот тренинг и тренинзите започнуваа во 10 часот наутро, но според Тен Хаг, тоа е веќе премногу доцна и се вратил на режимот на Сер Алекс.

Играчите сега мора да се појават на тренингот најдоцна во 9 часот наутро, а тој и неговиот стручен штаб ќе анализира и ќе се подготвува за работа уште од 7:45 часот наутро.

First training session at Carrington ✔️#MUFC pic.twitter.com/GQhYA9iKIf

— Manchester United (@ManUtd) June 27, 2022

Pre-season is under way 💪#MUFC pic.twitter.com/zNjIgEiS5B

— Manchester United (@ManUtd) June 27, 2022