Тен Хаг со порака до подзаборавениот Антони: Ако сака да игра…

Манчестер Јунајтед има променливи резултати и во актуелнава сезона во која еден од играчите кој скоро да не добива шанса е офанзивецот Антони.

Бразилецот за кого Јунајтед пред некоја година издвои огромна сума на пари за да го доведе на „Олд Трафорд“ има одиграно само неколку минути во пресметката со Брајтон во Премиер лигата.

Секако тоа е премалку за играч кој по доаѓањето на Ерик Тен Хаг се најавуваше како идеално име за крилните позиции, но е далеку од тоа, па дури ја загуби и довербата од менаџерот кој испрати јасна порака до него како и до останатите кои се во втор, трет план во екипата.

-Тренираме секој ден и играчите мора да си го заслужат правото да играат. Кога играчите ги прават вистинските работи на тренинзите, кога ставот е добар и покажуваат перформанси на тренинзите, тогаш ќе заработат право да играат, -порача Тен Хаг.

Јунајтед игра со Барнсли во Лига Купот, па останува да се види дали Антони конечно ќе добие шанса да биде стартер.