Тен Хаг со критики за играчите на Јунајтед: 99 проценти не се доволни на ваков натпревар

Манчестер Јунајтед не успеа да го победи Твенте на почетокот на сезоната во Лига Европа, разочарувачки резултат за фановите на клубот и причина за критики од страна на менаџерот Ерик тен Хаг.

Премиерлигашот имаше водство со голот на Ериксен, но гостите профитираа од една негова грешка за да дојдат до израмнување, кое го сочуваа до крајот на средбата.

Тен Хаг по мечот отворено ги критикувал своите фудбалери, потенцирајќи дека е потребна промена на менталитетот и побрзо „убивање“ на ваквите натпревари.

– Видовме дека за гостите ова беше како натпревар на нивните животи, се бореа за секој метар, а ние не го правевме тоа. Дури и 99 проценти не се доволни на ваков натпревар, потребно е дадете 100 проценти од себе.

– Мора да ги „убиваме“ натпреварите, да постигнеме втор гол и порано да го откажеме противникот. Не смееме да дозволуваме ситуации како таа пред да го постигнат голот, нивниот десен бек го издрибла цел наш среден ред и никој не го сопре. Најчесто сум задоволен од менталитетот кој го покажуваме на терен, но овојпат не беше така, – рекол Тен Хаг.