Тен Хаг со коментар за иднината на Мегваер: Понекогаш работите се менуваат многу брзо

Ерик Тен Хаг врши одлична работа како предводник на Манчестер Јунајтед, а резултатите од тоа веќе се видливи.

„Ѓаволите“ како ретко кога се конкурентни и во моментов се уште играат на четири фронта, па фановите може да се надеваат дека оваа година клубот можеби и ќе освои некој трофеј.

Тен Хаг имаше храброст и се одлучи да го седне на клупа капитенот и скапоцено засилување од одбраната, Хари Мегваер, кој веќе подолг период не е дел од првата постава на тимот.

Запрашан за иднината на англискиот репрезентативец, Тен Хаг истакна дека во фудбалот работите се менуваат многу брзо, па на Мегваер е дали ќе покаже и докаже дали заслужува место во првиот тим.

– Да бидеме на чисто, тој не е наш петти избор. Хари мора да се бори за својата позиција, а работите се менуваат, понекогаш и многу бргу. Мислам дека има напредок и кај него и сега на него останува тоа да го покаже и на терен, -изјави Тен Хаг кој веројатно ќе му даде шанса на Мегваер на денешниот натпревар против Рединг.