Тен Хаг се налути за шпекулациите поврзани со Рашфорд: Мора да си луд да кажеш такво нешто

Маркус Рашфорд конечно успеа да влезе во гол серија и да потсети на својата препознатлива форма, но менаџерот Ерик тен Хаг реши да го остави на клупата на вчерашното соочување на Манчестер Јунајтед со Кристал Палас.

Тен Хаг постојано зборуваше дека очекува Рашфорд да влезе во голгетерска серија, но вчера го објаснил потегот со ротирање на составот, нешто што не беше прифатено како реална ситуација од дел од фановите и од стручните коментатори во англиските медиуми.

Џејми Реднап на „Скај Спортс“ потенцирал дека веројатно нешто се случило меѓу Тен Хаг и Рашфорд изминатава недела, за што доби одговор по натпреварот.

– Ги слушнав шпекулациите од стручните коментатори на тв. Навистина е лудо, мора да си луд човек за да кажеш такво нешто без да имаш точна информација.

– Се работеше само за ротација, среќен сум со се што прави Маркус, – рекол Тен Хаг.

Замената Гарначо не реализираше неколку добри шанси, а Јунајтед остана без постигнат гол на „Селхрст Парк“ во Лондон.