Тен Хаг повторно остана без дефанзивци пред дербито со Сити: Нема да ризикуваме

Манчестер Јунајтед утре ќе се соочи со Манчестер Сити во англискиот Суперкуп, а Ерик тен Хаг повторно има сериозни проблеми со фудбалерите од одбраната.

Лени Јоро и Тајрел Маласија ќе отсуствуваат подолг период, додека поради проблеми со повреди неизвесен е и настапот на Мегваер, Линделоф, Шо и Ван-Бисака.

Тоа го остава менаџерот со само три сениорски опции, плус тинејџерот Хари Амас, кој на 17-годишна возраст играше на дуелот со Ливерпул на американската турнеја. Во конкуренција се Еванс, Мартинез и Дало, но проблем е што последните двајца им се приклучија на подготовките неодамна, бидејќи имаа подолг одмор по настапите со своите репрезентации.

– Секогаш одиме на победа и ќе се одлучиме за тим кој може да ни го донесе трофејот.

– Сепак, ова е дел од претсезоната и не сакам да преземам големи ризици со фудбалерите. Со оглед на ситуацијата, веројатно Лича (Мартинез) ќе мора да настапи на овој натпревар, – рекол Тен Хаг.