Тен Хаг потврди дека Варан го загубил местото во тимот поради Мегваер

Хари Мегваер повторно е во прв план кај Ерик тен Хаг, а на сметка на Рафаел Варан кој го загуби првотимскиот статус изминатиот период.

Манчестер Јунајтед има непосакувани девет порази од почетокот на сезоната, а токму одбраната е голем проблем за холандскиот менаџер. Откако Французинот беше на клупата на три од последните четири средби, се појавија шпекулации дека Тен Хаг има конфликт со Варан.

– Се работи за тактички избор, мислам дека Мегваер и Еванс функционираа добро како тандем.

– Минатата сезона Хари не играше добро, а јас бев среќен со настапите на Варан.

– Но, во моментов Мегваер во одлична форма и постои голема внатрешна конкуренција, – рекол Тен Хаг.

Еванс се повреди и нема да биде во конкуренција против Лутон, па Тен Хаг треба да формира стоперски тандем од Мегваер, Варан и Линделоф.