Тен Хаг: Оваа генерација тешко се справува со критиките, сметаат…

Ерик Тен Хаг чека на нов предизвик во кариерата по епизодата која ја имаше во Манчестер Јунајтед која заврши со негов отказ во месец октомври.

Холанѓанецот имаше бурна епизода на „Олд Трафорд“, не му беше лесно да се справи со притисокот, очекувањата, па во неколку наврати влегуваше и во конфликт со играчите како Кристијано Роналдо, Џејдон Санчо и Маркус Рашфорд. Тен Хаг важи за човек кој е доста директен, а тоа по се изгледа е проблем за новата генерација, модерните играчи за кои стратегот смета дека се многу поинакви од некое друго време кога е во прашање критиката.

-На оваа генерација обично и е тешко да се справи со критиките. Критиката навистина доаѓа до нив. Генерацијата во која пораснав имаше многу подебела кожа. Можеш да бидеш многу подиректен. Ми се обраќаа многу подиректно. Кога би го направил тоа со мојата сегашна група играчи, би ги демотивирал.

-Ако го направите тоа на сегашната генерација, тие го сметаат за навредливо, -истакнува некогашниот тренер на Ајакс, Утрехт, Баерн Минхен 2 и Го Ахед Иглс.