Тен Хаг не стравува од отказ: Сите сме заедно во ова…

Манчестер Јунајтед го претрпе третиот пораз во шестиот лигашки меч во оваа сезона и тоа против Тотенхем кој го освои „Олд Трафорд“ со 3-0.

Домаќините поголемиот дел од натпреварот го одиграа со играч помалку по исклучувањето на Фернандеш, но без разлика на тоа гостите оставија далеку подобар впечаток на оваа пресметка, знаеја што сакаат и дојдоа до трите бода.

Овој резултат дефинитивно го зголеми притисокот врв менаџерот Ерик Тен Хаг, но Холанѓанецот не стравува од отказ и порачува дека сите се заедно во оваа приказна.

-Сите заедно донесовме оваа одлука да останеме заедно ова лето. Исто така, донесовме одлука со јасна идеја што треба да подобриме и како сакаме да изградиме тим, но знаевме дека ќе потрае некое време. Сите сме таму на иста страница, во ист брод – јас, играчите, раководството. Сите сме заедно, -подвлече стратегот.