Тен Хаг не сака да замисли едно сценарио: Тој е наш лидер, не гледам сигнали за заминување

Ерик Тен Хаг беше половично задоволен поо крајот на Комјунити Шилд финалето против Манчестер Сити, пред се поради фактот што неговиот тим се бореше напорно да дојде до предност, но на крајот остана без победа и освон трофеј.

Холандскиот стручњак и покрај се не и даде преголемо значење на оваа титула и нагласи дека тимот треба да биде најдобар кога ќе почне сезоната во Премиер лигата, но според него, ќе биде далеку полесно ако може да смета на лидерот во средниот ред.

Касемиро вчера потсети на најдобрите денови од Реал Мадрид и доби убедливо најмногу дуели на средината на теренот, па Тен Хаг по мечот морал да одговара за прашањата кои го поврзуваат Бразилецот со преселба во Саудиска Арабија.

Искусниот Касемиро доби безброј критики на крајот на минатата сезона од имиња кои важат за живи легенди во Англија, но Тен Хаг тврди дека Бразилецот сега е во многу подобра форма од пред неколку месеци.

– Касемиро сега имаше целосна пресезона и тоа прави огромна разлика. Затоа сега е толку фит и толку добар на теренот. Тој е многу важен за нашиот тим, тој е нашиот голем лидер. Напаѓа, се брани, прави се за тимот.

– Не гледам сигнали за заминување, не гледам како не би останал со нас и затоа сум среќен околу таа тема, – вели Тен Хаг.