Тен Хаг најави дека ќе му ја смени позицијата на Санчо за финалето со Сити

Џејдон Санчо за многумина беше отпишан од Манчестер Јунајтед и се веруваше дека експресно ќе биде продаден од „ѓаволите“, но ситуацијата драстично се промени откако крилниот напаѓач реши да му се извини на Ерик Тен Хаг.

Двајцата седнаа на маса и ги разрешија сите проблеми кои резултираа со заминување на Џејдон во Борусија Дортмунд, а бидејќи тоа го направија со ладни глави, на крајот проценија дека е време да се сврти нов лист.

Санчо сега е сериозен кандидат за стартер во Јунајтед на почетокот на новата сезона, но тоа нема да го прави на својата природна позиција како крило.

Тен Хаг откри дека повредата на Хојлунд отвора простор за Санчо како централен напаѓач, позиција на која се очекува да игра на Комјунити Шилд финалето против Јунајтед кое се игра во сабота.

– Точно е, Санчо е опција за нападот, инаку немаше да игра таму на подготвителните натпревари. Зиркзе почна да тренира и набрзо ќе биде достапен, но тој нема тренирано доволно долго со нас. Ќе му биде потребно време за адаптација на англискиот фудбал. Џејдон може да игра како напаѓач и е добра опција за таа позиција, – изјави Тен Хаг.