Тен Хаг: Ми недостасува само една работа од Јунајтед

Ерик Тен Хаг заработи отказ во Манчестер Јунајтед и не успеа да го издржи притисокот кој настана на стартот на сезоната, а неколку месеци подоцна, конечно го одработи и првото подолго интервју за „СЕГ Сторис“.

Холандскиот стручњак првпат даде поконкретни изјави за Јунајтед како клуб по заминувањето од театарот на соништата, па како што вели самиот, токму стадионот е единственото нешто што му недостасува од неговата етапа во англискиот великан.

– Ако постои една работа која ми недостастува од Манчестер Јунајтед, тоа е стадионот „Олд Трафорд“.

– Имавме доста подеми како тим во Јунајтед, но во таков клуб секогаш постои простор за напредок. Добро не е доволно добро во Јунајтед, секогаш мора да бидете подобар, – потенцира Тен Хаг, кој најави дека не планира да започне нов проект најмалку до месец јули.

– Веќе донесов одлука дека нема да прифатам ниту една работа до 1-ви јули. Тоа е периодот кога стартува новата сезона, – вели Тен Хаг.