Тен Хаг ја губи поддршката, Фергусон има фаворит за менаџер на Јунајтед

Ерик Тен Хаг и во актуелнава сезона не успева да го среди Манчестер Јунајтед, поточно екипата и понатаму нема јасна визија, идеја на теренот и потврда за тоа се резултатите кои се променливи, далеку од амбициите на клубот и покрај новите летни инвевстиции.

За Холанѓанецот и во минатото имало критики, има и сега, но дел од медиумите сега пренесоа дека стратегот има два натпревари за да си ја спаси работата, дуелите со Порто и Астон Вила. Тоа се два тешки меча особено ако се земе предвид дека се на гостински терен, ама во исто време е можност составот да покаже карактер и со добро изданија да испрати порака.

Колку е тоа возможното ќе видиме во наредниве денови, ама во меѓувреме се појавија информации дека легендарниот сер Алекс Фергусон веќе се откажал од Тен Хаг и има фаворит за негов наследник-тоа е Масимилијано Алегри.

Алегри е еден од најквалитетните италијански стручњаци, голем работник со многу успеси на Апенините, во неколку наврати беше и блиску до пехарот во Лигата на шампионите, ама паѓаше на завршниот испит.

Последниот ангажман го имаше во Јувентус каде беше отпуштен веднаш по освоениот трофеј во Купот на Италија.