Тен Хаг: Головите на Рашфорд ќе дојдат како кечап!

Манчестер Јунајтед вчера избегна негатива на гостувањето кај Саутемптон и со два гола по одбранетиот пенал на Онана го реши победникот на овој натпревар, а за менаџерот Ерик тен Хаг посебно важен момент е и голот на Маркус Рашфорд.

Англискиот напаѓач немаше постигнато гол од март и конечно го прекина постот кој му донесе и многу критики, па сега Тен Хаг очекува дека тоа е само најава за серијата која следува.

– Овој гол беше многу важен, секо напаѓач сака да биде на листата на стрелци.

– А, кога ќе дојде првиот гол, следуваат и останатите. Рашфорд ќе биде како шише со кечап, кога ќе тргне, доаѓа многу повеќе, – рекол Тен Хаг, парафразирајќи една стара изјава на Кристијано Роналдо.

– Тој веќе има постигнато многу голови за Јунајтед и сигурен сум дека допрва доаѓа уште поголема бројка, – потенцирал предводникот на клубот од „Олд Трафорд“.