Тен Хаг е безбеден во Јунајтед: Веруваме во него…

Манчестер Јунајтед не се прослави во првите мечеви во новата сезона особено на дербито со Ливерпул на „Олд Трафорд“ каде загуби со 3-0 и покажа доста слабости за тим кој има високи амбиции, тим кој во летниот преоден рок потроши преку 200 милиони фунти за засилувања.

Овој настап секако донесе доста критики за менаџерот Ерик Тен Хаг и одново почна да се говори за неговата работа, но и статус во клубот, поточно дали заслужува да остане во англискиот великан.

Холанѓанецот засега е безбеден затоа што ја има поддржката од луѓето кои де многу важни во Јунајтед.

-Навистина уживам да работам со Ерик во овие осум недели. Моја работа е да го поддржам на секој можен начин за тој целосно да се посвети на тренинзите и на тактичкиот план за натпреварите, за да му донесе успех на Манчестер Јунајтед, -истакна спортскиот директор, Ден Ешфорт.

-Дали сè уште веруваме во Тен Хаг? Апсолутно, -порача пак извршниот директор Омар Берада.