Тејлор префрлен да суди во втора лига поради големата грешка од минатиот викенд (Видео)

Антони Тејлор е еден од најдобрите англиски судии и ужива навистина голем коефициент и на турнирите кои ги организира ФИФА, но претстојниот викенд ќе мора да отслужи казна поради огромната грешка која ја направи во минатата рунда во Премиер лигата.

Тејлор е префрлен во понизок ранг за новото фудбалско коло во Англија и ќе суди во Чемпионшип лигата, сето тоа како резултат на големиот „грабеж“ кој им го приреди на „волците“.

Вулверхемптон ремизираше со Њукасл и одигра 2:2, но мораше да спасува бод откако Тејлор досуди непостоечки пенал за гостите при резултат 1:1.

Менаџерот на „волците“ беснееше по ремито и ја посочи одлуката на Тејлор како неприфатливи, а подарокот го потврди и Еди Хау како менаџер на Њукасл, но и легендарниот Алан Ширер.

Неколку дена подоцна, Премиер лигата и судиската комисија испратија извинување до Вулверхемптон, па поради таа грешка, Тејлор претстојниот викенд ќе ја дели правдата на второлигашката пресметка меѓу Престон и Ковентри.

Here is the penalty incident that sent Anthony Taylor to the championshippic.twitter.com/5DFYILdZts

— Pope (@popeofficial_) November 3, 2023