Тебого го засени фаворизираниот Лајлс на трката на 200 метри (ВИДЕО)

Ноа Лајлс важеше за прв фаворит на трката на 200 метри на Летните Олимписките Игри, односно посакуваше да биде прв атлетичар по Јусеин Болт со дупла круна со оглед на тоа што претходно славеше на 100 метри, меѓутоа желбите се едно, реалноста друга затоа што најбрз на тартанот беше Летсиле Тебого.

Тебого „леташе“ и со време 19,46 постави нов рекорд на Африка, а и го донесе првото олимписко злато на неговата Боцвана.

Втор заврши Кени Беднарек, додека пак Лајлс мораше да се задоволи само со трето место и бронзен медал.

Ова воедно значеше крај на импресивната низа на Ноа за кого ова беше прв пораз на оваа делница од 4 август 2021 година.