Тебас за конфликтот со Флорентино: Бевме во добри односи се до еден момент

Хавиер Тебас одамна води вербална војна со првиот човек на Реал Мадрид, Флорентино Перез, а во своето последно интервју повторно се навратил на претседателот на трофејниот клуб.

Предводникот на Ла Лига го обвинил Перез дека влијае и на медиумите, испраќајќи му уште една порака дека нема да му биде дозволено да го води првенството на начин на кој тој сака.

– Имав добри односи и разбирање со Перез се до моментот кога преговаравме за продажба на тв правата. Во еден момент на тие комплицирани преговори, тој ми кажа „Хавиер, не ме слушаш“, а јас му одговорив дека го слушам, но не му обрнувам внимание“.

– Оттогаш комуникацијата беше поинаква, Перез правеше голем притисок, па тој менува директори и во весници и други медиуми. Реал Мадрид води неколку процеси против мене пред неколку инстанци, а јас само го кажувам тоа што го мислам, без разлика што истото не му се допаѓа на Перез.

– За време на собранието на Реал, Перез кажа дека неговиот клуб ќе го спасувал фудбалот, се однесува како месија, а такво нешто не може да се случи. Нема да дозволиме богатите да управуваат, точно е дека Реал и Барсе се движечка сила во Шпанија, но друго е целата лига да функционира според нивните желби, – рекол Тебас.