Тебас повторно го критикува Реал: Претераа со приказната во која се претставуваат како жртви

Реакцијата на Реал Мадрид за лошите судиски одлуки на сметка на клубот предизвика сериозна дебата во Шпанија, а првиот човек на Ла Лига смета дека „кралскиот клуб“ претереал и дека изигрува жртва во целата ситуација.

Реал испрати писмо до Шпанската фудбалска федерација во кое ги обвини судиите дека работат на штета на клубот, а Хавиер Тебас со новата реакција уште еднаш истакна дека великанот претерува со своето однесување.

– Направија приказна во која изигруваат жртви, а цреша на тортата беше писмото кое го испратиле и кое потоа го објавија.

– Ситуацијата излезе од контрола, мислам дека одговорните во Реал ја „загубија главата“.

– Фудбалот не се врти само околу Реал Мадрид, – рекол Тебас.