Тажен ден за тенисот: Почина тренерот со кој Федерер го освои првиот Вимблдон (Фото)

Рожер Федерер одбележа една незаборавна ера во тенисот и за многумина е еден од најголемите во историјата на овој спорт, а важен дел од почетоците на Швајцарецот беше шведскиот великан Петер Лундгрен.

Поранешниот играч најмногу се докажа во улога на тренер и најдобрите денови ги имаше токму со швајцарскиот маестро од Базел, па токму поради тоа веста за неговата прерана смрт ги обли во тага и фановите на Федерер.

Шведските медиуми пренесоа дека Лундгрен починал во 59-та година од својот живот после напорна и долгогодишна борба со дијабетесот, битка во која минатата година остана и без една нога.

– Почивај во мир татко. Си замина еден од најдобрите, за жал премногу рано. Тренер, играч, пријател и татко. Беше инспирација за многумина, на теренот, но и надвор од него. Неговото влијание и сеќавањата од него вечно ќе живеат, – гласи објавата на синот на Лундгрен.

Швеѓанецот го тренираше Федерер во периодот од 2000-та до 2003-та година и беше човекот со Швајцарецот ја освои првата титула на Вимблдон, а подоцна во кариерата Лундгрен соработуваше уште со Сафин, Багдатис, Димитров и Вавринка.

Roger Federer’s coach when he first won Wimbledon, Peter Lundgren, has died at the age of 59.

The Swede also coached Marcelo Rios, Marat Safin, Stan Wawrinka, Marcos Baghdatis, Grigor Dimitrov and Daniela Hantuchová. pic.twitter.com/4I5hOAfBJy

— Talking Tennis (@TalkingTennisTT) August 23, 2024