Таткото на Шелтон го нападна Ѓоковиќ: Тој му се потсмеваше на мојот син

Новак Ѓоковиќ имаше импресивен настап на Ју-Ес Опен и стигна до 24. грен-слем титула, а во полуфиналето славеше над Бен Шелтон.

Младиот американски тенисер беше најголема сензација на турнирот во Њујорк, а стана препознатлив и со својата специфична прослава на победите гестикулирајќи јавување на фиксен телефон.

Ѓоковиќ по триумфот во полуфиналето го „поздрави“ ривалот со „спуштање на слушалката“, за подоцна да објасни дека му се допаднала прославата на Шелтон и затоа решил да ја позајми.

– Новак е очаен за тоа сите да го сакаат…

– Сакаше да се потсмева со Бен, не го направи тоа само за да ја копира неговата прослава.

– Тоа беше класично потсмевање, штета е што шампион како него се однесува на таков начин, – изјавил Брајан Шелтон.