Таткото на Рамздејл: Арон ја загуби насмевката, но мора да се соочи со реалноста која никој не му ја објасни

Арон Рамздејл беше стартер за Арсенал на првите четири натпревари сезонава, но подоцна е префрлен на клупата од страна на менаџерот Микел Артета и неговото место го зазема Давид Раја.

Шпанецот добива предност без разлика што и самиот покажа несигурност во одредени ситуации, а Рамздејл поради ваквиот статус може да остане и без место на ЕП следната година.

Додека голманот молчи, неговиот татко, Нил Рамздејл зборувал за еден подкаст чија тема се случувањата на „Емирејтс“.

– Арон работи напорно, се обидува да му помогне на тимот, ќе направи се што може за Арсенал да го освои првенството. Можеби зборувам премногу, но јасно е дека мојот син ќе брани во Купот, додека Раја ќе биде прв избор на Артета освен ако не се случи некоја повреда или суспензија.

– Арон мора да живее со тоа, веќе живее со тоа, иако не добил никакво објаснување, од никого.

– Мојот син ја загуби насмевката на лицето, навистина е тешко да се гледа во ваква ситуација, – рекол Рамздејл сениор.