Таткото на Меси: Се надевам Лео ќе се врати во Барселона

Лионел Меси беше принуден предвреме да ја заврши приказната со Барселона и да се пресели во Пари Сен Жермен каде ја мина оваа натпреварувачка сезона.

Меѓутоа Аргентинецот и клубот од Каталонија имаа нараскинлива врска и секогаш виси прашањето за тоа дали може да се врати на „Камп Ноу“ и токму тука да ја заврши кариерата во тимот на кој му даде многу и во кој забележа огрмони успеси, резултати, стана најдобар фудбалер на светот.

Дали е тоа возможно ќе покаже времето, но во меѓувреме ќе имаме гласини, шпекулации особено кога ќе добиете одредени зборови од блиски луѓе како што е таткото на Меси. Имено Хорхе беше фатен од медумите на аеродормот во Барселона каде му беа поставени неколку прашања.

Тој истакна дека неговиот син е задоволен во ПСЖ, ама во исто време порача дека се надева оти ќе се врати во Барселона.

-Се надевам, еден ден, -порача кратко Меси сениор со што ги запали фановите на шпанскиот великан.