Таткото на Келиф: Иман израсна како девојче, имаме јасна цел

Иман Келиф мина уште една пречка на женскиот турнир во бокс до 66 килограми, но откако ја совлада Унгарката Ана Лука Хамори, Алжирката не ги криеше емоциите и се расплака пред камерите.

Келиф се најде во средина на скандал поради некомплетираниот тест за нејзиниот пол, па така многумина си дадоа за право да ја нападнат и да линчуваат за успехот кој го остварува во женска конкуренција.

Со самиот пласман во полуфиналето, Иман веќе обезбеди медал за својата земја (се доделуваат по две бронзи во бокс), но јасно е дека целта ќе биде да се освои златен медал.

Најважните луѓе од Алжир излегоа во одбрана на својата претставничка и почнаа да излегуваат со докази дека Иман е родена како жена, а сега со изјава се јави и нејзиниот татко.

– Мојата ќерка е девојка. Иман се роди како девојче и беше растена како девојче. Разликата е во тоа што станува збор за многу силна девојка. Од најама возраст работеше напорно и беше храбра. Победува поради тоа што е посилна од своите ривалки. Иман е пример за алжирската жена, таа е хероина на Алжир. Ако не посака Господ, таа ќе освои злато и ќе позира со знамето на Алжир во Париз. Тоа е нашата цел од самиот старт, – вели Омар Келиф во интервјуто за „АФП“.