Таткото и тренер на Хабиб Нурмагомедов е во критична состојба

Абдулманап, таткото и тренер на УФЦ ѕвездата Хабиб Нурмагомедов е во критична состојба во болница во Москва, – пренесоа руските медиуми.

Искусниот тренер имал сериозна пневмонија и не бил најдобро третиран во болницата во Дагестан, по што итно со специјален лет е префрлен во Москва, каде во моментов е во кома.

Лекарите се обидуваат да го спасат животот на Нурмагомедов сениор, но неговото семејство нема дозвола да го посети, што дополнително ја отежнува ситуацијата за Хабиб и неговите најблиски.

Абдулманап е тренер на Хабиб во најголем дел од неговата кариера во која нема доживеано пораз, а тој требаше да се врати во УФЦ серијата и тоа со дуел против Џастин Гејтџи, кој минатиот викенд оствари убедлива победа над Тони Фергусон.