Тареми шоу: Напаѓачот на Интер испорача три асистенции, па даде автогол и промаши пенал за Иран

Квалификацискиот натпревар меѓу Северна Кореја и Иран заврши со резултат 2:3 и значи многу важна победа за гостинската селекција во битката за мундијалско место, а дуелот стана интересен за пошироката фудбалска јавност поради ефектот на Меди Тареми.

Фудбалерот на Интер издоминира на оваа средба и беше во центарот на вниманието, за на крајот сепак поважно да биде позитивното прво од негативното второ полувреме на неутрален терен во Лаос.

Иран на паузата замина со висока предност 0:3, а Тареми испратил три одлични асистенции до своите соиграчи и имал големи заслуги за убедливата позитива на полувреме.

Но, во вториот дел работите тргнаа на лошо по напаѓачот, па најпрвин Тареми постигна автогол за 1:3, Северна Кореја неколку минути подоцна се приближи на 2:3 и ја врати неизвесноста на средбата, а иранската ѕвезда не реализираше пенал со кој можеше да го потврди триумфот на својот национален тим.

Тареми имаше среќа што Корејците не се вратија целосно, па Иран е прв во својата квалификациска група.