Тареми блескаше против Звезда, па откри која е целта на Интер во ЛШ

Италијанскиот првак Интер не дозволи никакво изненадување и славеше убедлив триумф над Црвена Звезда од 4-0 во средбата од второто коло од групната фаза во Лигата на шампионите.

Калчолигашот одигра колку што му беше доволно за прва победа во новиот формат на елитното натпреварување, победа во кое блескаше летното засилување Мехди Тареми со две асистенции и погодок.

-Мило ми е што постигнав гол, што играм добро, благодарение на моите соиграчи. Беше одлично. Толку сум возбуден, ми требаше време да постигнам гол, но секогаш се трудев да дадам се од себе на тренинзите, се борев за овој момент и успеав да дојдам до погодокот, -рече Тареми кој воедно откри која е амбицијата, целта на „нероаѕурите“ во ЛШ.

-Нашата цел како голем клуб е да стигнеме до финалето, бидејќи Интер мора да се обидува да победи на секој натпревар. Ќе одиме чекор по чекор, -порача Иранецот за „Скај Спорт Италија“.